ബി എസ് എന് എല് സീനിയര് സിറ്റിസണ് പ്രിപെയ്ഡ് പ്ലാന് – കേരളത്തിലെ മുതിര്ന്ന പൗരന്മാര്ക്കായി
കേരളത്തിലെ 60 വയസ്സിനു മുകളിലുള്ള മുതിര്ന്ന പൌരന്മാര്ക്കായി ബി എസ് എന് എല് പുതിയൊരു 2ജി പ്രീപെയ്ഡ് പദ്ധതി അവതരിപ്പിച്ചിരിക്കുന്നു. സീനിയര് സിറ്റിസണ് എന്ന പേരിലറിയപ്പെടുന്ന ഈ പുതിയ പദ്ധതി അനുസരിച്ച് ഉപഭോക്താക്കള് 60 രൂപ ചെലവിട്ട് പുതിയ സിമ്മും, സ്റ്റാര്ട്ടര് പാക്കും എടുക്കുകയാണെങ്കില് 20 രൂപയുടെ സംസാരമൂല്യം 30 ദിവസത്തെ കാലാവധിയോടെ ലഭിക്കും. ഇതിനു പുറമേ കേരളത്തിനകത്തുള്ള ബി എസ് എന് എല് ഫോണുകളിലേക്ക് 2 സെക്കന്റിനു 1 പൈസ എന്ന നിരക്കിലും, കേരളത്തിനകത്തുള്ള മറ്റു ഫോണുകളിലേക്ക് 1 സെക്കന്റിനു 1 പൈസ എന്ന നിരക്കിലും ആദ്യ മാസം വിളിക്കാവുന്നതാണ്. ആദ്യത്തെ 30 ദിവസത്തേക്ക് 200 സൗജന്യ മെസ്സേജുകളും, തുടര്ന്നുള്ള മാസങ്ങളില് 50 സൗജന്യ മെസ്സേജുകളും ഇതിനോടൊപ്പം ലഭിക്കും.
ബി.എസ്.എന്.എല്. പ്രീപെയ്ഡ് കണക്ഷന് ‘വാലിഡിറ്റി റീചാര്ജ്’ ഒഴിവാക്കി
ബി.എസ്.എന്.എല്ലിന്റെ പ്രീപെയ്ഡ് മൊബൈല് കണക്ഷനുകളുടെ കാലാവധി നീട്ടാനുള്ള ‘വാലിഡിറ്റി റീ ചാര്ജ്’ ഒഴിവാക്കി. പകരം സീ-ടോപ്പ് അപ്പ് വഴിയോ കൂപ്പണുകള് ഉപയോഗിച്ചോ ചാര്ജ് ചെയ്യുമ്പോള് സംസാരമൂല്യത്തോടൊപ്പം ദീര്ഘിപ്പിക്കുന്ന സൗകര്യം നിലവില്വന്നു.
ഇതുപ്രകാരം ഏറ്റവും കുറഞ്ഞ റീചാര്ജായ 10 രൂപയ്ക്ക് 7 രൂപയുടെ സംസാരമൂല്യവും 9 ദിവസം കാലാവധിയും നിലവിലുള്ള കാലാവധിയില്നിന്ന് അധികമായി ലഭിക്കും. 20 രൂപക്ക് 16 രൂപയുടെ സംസാരമൂല്യവും 18 ദിവസം കാലാവധിയും ലഭിക്കുമ്പോള് 55 രൂപക്ക് 50 രൂപയുടെ സംസാരമൂല്യവും 45 ദിവസം കാലാവധിയും കിട്ടും. ഇതേ പ്രകാരം 110 രൂപക്ക് 100 രൂപയുടെ സംസാരമൂല്യവും 90 ദിവസം കാലാവധിയും 220 രൂപക്ക് 200 രൂപയുടെ സംസാരമൂല്യവും 180 ദിവസം കാലാവധിയും ലഭിക്കും. ആഗസ്ത് 12 വരെ 280 രൂപയ്ക്ക് ചാര്ജ് ചെയ്യുമ്പോള് 250 രൂപയുടെ സംസാരമൂല്യവും ഒരു വര്ഷ കാലാവധിയും 2ജി കണക്ഷനുകള്ക്ക് ലഭിക്കും.
തുടര്ന്നു വായിക്കുക ‘ ബി.എസ്.എന്.എല്. പ്രീപെയ്ഡ് കണക്ഷന് ‘വാലിഡിറ്റി റീചാര്ജ്’ ഒഴിവാക്കി ’
ട്വിറ്റര് സ്പാം സന്ദേശങ്ങള് എങ്ങനെ ഒഴിവാക്കാം?
# I got 400 followers using http://shorten.ws/0d9493. Check it out!
# Hey I just got alot of followers using http://taezeec.notlong.com
# I use http://tiny.cc/pvfUI to get 400 followers a day. It work great!
# If you want to get alot of followers check out http://twi.cc/svDy
മുകളില് കൊടുത്തിരിക്കുന്നതുപോലുള്ള ട്വിറ്റര് സന്ദേശങ്ങള് താങ്കളുടെ അറിവില്ലാതെ തന്നെ ട്വിറ്റര് അക്കൗണ്ടില് നിന്നും പ്രസിദ്ധീകരിക്കാറുണ്ടോ? എന്നാല്, ജാഗ്രതൈ!
കൂടുതല് ഫോളോവേഴ്സ്നെ സംഘടിപ്പിച്ചു തരാം എന്നാരെങ്കിലും പറഞ്ഞാല് ഒരിക്കലും വിശ്വസിച്ചു പോകരുതേ. പണ്ട് മാഞ്ചിയം തോട്ടം കാട്ടിയും, അടുത്തകാലത്തായി ‘ടോട്ടല് തട്ടിപ്പ് ഫോര് യു’ നടത്തിയും ഒക്കെ ജീവിക്കുന്ന മലയാളിയെക്കാളും വിരുതന്മാരായവര് നൈജീരിയയില് ഉണ്ടെന്നും, അവര് നമ്മളെയും പറ്റിച്ചു പണമുണ്ടാക്കി എന്നും നാം അടുത്തിടെ മനസ്സിലാക്കി. അതുപോലെയുള്ള വിരുതന്മാര് കുറുക്കു വഴി അന്വേഷിക്കുന്ന നമ്മളെ തളയ്ക്കാന് ട്വിറ്ററിലും ഒളിഞ്ഞിരിപ്പുണ്ട്, കരുതിയിരിക്കുക.
ട്വിറ്റര് സ്പാമേഴ്സ് എന്നു വിളിക്കപ്പെടുന്ന അത്തരക്കാര് നിങ്ങളുടെ ട്വിറ്റര് അക്കൗണ്ടിന്റെ പാസ്സ്വേര്ഡ് അല്ലെങ്കില് ഓതന്റികേഷന് API വഴി നമ്മുടെ ട്വിറ്റര് അക്കൗണ്ടില് കയറിപ്പറ്റുകയും നമ്മുടെ അറിവുകൂടാതെ തന്നെ നമ്മുടെ പേരില് അനേകം ട്വീറ്റുകള് അഥവാ സന്ദേശങ്ങള് അയക്കുകയും ചെയ്യുന്നു. നമ്മുടെ അറിവോടെയുള്ള ട്വീറ്റുകള് ആണെന്ന് തെറ്റിദ്ധരിച്ച് സുഹൃത്തുക്കളും ആ ചതിക്കുഴിയില് വീഴുകയും ചെയ്യാം.
തുടര്ന്നു വായിക്കുക ‘ ട്വിറ്റര് സ്പാം സന്ദേശങ്ങള് എങ്ങനെ ഒഴിവാക്കാം? ’
ഇന്റര്നെറ്റില് 184 മില്യണ് ഡൊമൈന് പേരുകള്
വെരിസൈന്(VeriSign)ന്റെ ഒരു റിപ്പോര്ട്ട് പ്രകാരം ഇന്റര്നെറ്റില് ആകെ 184 മില്യണ് ഡൊമൈന് പേരുകള് 2009 പകുതിവരെ രജിസ്റ്റര് ചെയ്തിട്ടുണ്ട്.
ഇതില് 74.4 മില്യണ് രാജ്യങ്ങളുടെ ചുരുക്കെഴുത്ത് ചേര്ന്ന ഡൊമൈന് പേരുകളാണ്, ഉദാഹരണമായി .in എന്നാല് ഇന്ത്യ, .cn എന്നാല് ചൈന, എന്നിങ്ങനെ.
.com പേരിലാണ് ഏറ്റവും കൂടുതല് ഡൊമൈന് ഉള്ളത്, .cn (ചൈന) രണ്ടാം സ്ഥാനത്തും, .de (ജര്മ്മനി) മൂന്നാം സ്ഥാനത്തും, .net നാലാം സ്ഥാനത്തും വരുന്നു. ഇവയോട് താരതമ്യപ്പെടുത്തുമ്പോള്, .in ഡൊമൈന് പേരിന്റെ പൊടിപോലും കാണാനില്ല!
കൂടുതല് കാര്യങ്ങള് ടെക്ക്.ഇന്-ല് ആംഗലേയത്തില് വായിക്കാം.
ഓപ്പണ് ഡി എന് എസ് ഉപയോഗിക്കൂ
മിക്കവാറും ഐ എസ് പികളുടെ ഇന്റര്നെറ്റ് ഉപയോഗിക്കുമ്പോള്, ചിലപ്പോള് ചില വെബ്സൈറ്റുകള് കിട്ടാതെ വരാനും, വെബ്സൈറ്റു ലോഡ് ചെയ്യുന്നത് വളരെ പതുക്കെയാകാറുമുണ്ട്. ഇതിനു മിക്കവാറും കാരണം നമ്മുടെ ഐ എസ് പികള് (ISP – Internet Service Provider) അവരുടേതായ ഡി എന് എസ് സെര്വര് (DNS Server) ഉപയോഗിക്കുന്നു എന്നതാണ്. അവരുടെ DNS സെര്വറുകള്ക്ക് വളരെ വേഗതയില് പ്രവര്ത്തിക്കാനുള്ള കഴിവ് ഉണ്ടായിരിക്കണമെന്നില്ല. മാത്രമല്ല, ഏഷ്യാനെറ്റ്, കേരള ബി എസ് എന് എല് തുടങ്ങിയവര്, ആ സെര്വറുകള് നല്ല രീതിയില് മെയിന്റൈന് ചെയ്തു വയ്ക്കാനും വഴിയില്ല. ഇക്കാരണങ്ങളാല് ഇന്റര്നെറ്റ് ഉപയോഗിക്കുമ്പോള് സ്പീഡ് കുറവ് അനുഭവ പ്പെടാന് സാധ്യത കൂടുതല് ആണ്.
അതിനെന്താ ഒരു പോംവഴി?
ഓപ്പണ് ഡി എന് എസ് ഉപയോഗിക്കൂ (www.opendns.com), അതുവഴി കൂടുതല് സുരക്ഷിതമായും വേഗതയിലും സ്മാര്ട്ടായും ഇന്റര്നെറ്റ് ഉപയോഗിക്കാം.
ഗൂഗിളിന്റെ ട്വിറ്റര് അക്കൗണ്ടുകള് – ഫോളോ ചെയ്യൂ
ഗൂഗിളിന്റെ ഒറിജിനല് ട്വിറ്റര് അക്കൗണ്ടുകളുടെ പട്ടിക ഗൂഗിളിന്റെ ഔദ്യോഗിക ബ്ലോഗ്ഗില് പ്രസിദ്ധീകരിച്ചി ട്ടുണ്ട്. ഗൂഗിള് വിവരങ്ങള് അപ്പപ്പോള് അറിയാനായി നിങ്ങളും ഫോളോ ചെയ്യൂ.
@google ആണ് ഗൂഗിളിന്റെ കേന്ദ്ര അക്കൗണ്ട്. മറ്റു പ്രധാനപ്പെട്ട അക്കൗണ്ടുകള് ഇവയാണ്: @blogger, @GoogleNews, @GoogleReader, @YouTube
@sreekandakumar -ല് എന്നെയും ഫോളോ ചെയ്യൂ 
ഫയര്ഫോക്സ് (തീക്കുറുക്കന്) 3.5 ന്റെ ആരംഭ വേഗത കുറഞ്ഞോ? ഇതാ ഒരു കുറുക്കുവഴി
പുതിയ ഫയര്ഫോക്സ്-ലേയ്ക്ക് (തീക്കുറുക്കന്) അപ്ഗ്രേഡ് ചെയ്തതിനുശേഷം ബ്രൌസര് തുറന്നു വരാന് (സ്റ്റാര്ട്ട് അപ്പ് ചെയ്യാന്) കൂടുതല് സമയം എടുക്കുന്നതായി തോന്നുന്നുണ്ടോ? ചിലപ്പോള് പത്തു സെക്കന്റ് മുതല് കുറച്ചു മിനട്ടുകള് വരെ സമയം എടുക്കുന്ന സന്ദര്ഭങ്ങള് ഉണ്ടാകുന്നതായി ഇന്റര്നെറ്റില് പലരും പരാതി പറയുന്നുണ്ട്. പുതിയ വെര്ഷനിലെ ചില സെക്യൂരിറ്റി പ്രത്യേകതകള് കാരണമാണ് ഇങ്ങനെ സംഭവിച്ചതെന്നും, എത്രയും പെട്ടെന്നുതന്നെ പുറത്തിറങ്ങാന് സാധ്യതയുള്ള ചെറിയ വെര്ഷനില് (3.5.1) ഇത് ശരിയാകും എന്നും പ്രതീക്ഷിക്കുന്നു.
അതുവരെ, എങ്ങനെ ഫയര്ഫോക്സിന്റെ വേഗത കൂട്ടാം? അതിനായി ഒരു കുറുക്കുവഴി പറഞ്ഞു കേള്ക്കുന്നു – താഴെ പറയുന്ന താല്ക്കാലിക ഫോള്ഡറുകളും (temporary folders) ഇന്റര്നെറ്റ് താല്ക്കാലിക ഫയലുകളും (Internet Temporary Files) ഇല്ലാതാകുക എന്നതാണ് ആ മാര്ഗ്ഗം.
കൂബ്ഫേസ് – ഹോം വീഡിയോ കാട്ടി ചതിക്കുന്ന ട്വിറ്റെര് സുന്ദരി
“My Home Video” തുടങ്ങിയ വശീകരണ വാക്യങ്ങളുമായി നിങ്ങളുടെ ട്വിറ്റെര് പ്രൊഫൈലില് നിങ്ങളെ വളയ്ക്കാന് തുനിഞ്ഞിറങ്ങിയിരിക്കുന്ന ഒരു പരാദ വിര സുന്ദരിയാണ് കൂബ്ഫേസ് (koobface). അവള് നിങ്ങളെ മയക്കി, അവളുടെ പങ്കുപറ്റുകാരുടെ വെബ്സൈറ്റുകളില് കൊണ്ടുപോയി നിങ്ങളുടെ ക്രെഡിറ്റ്കാര്ഡ് പോലുള്ള വിലപിടിച്ച വിവരങ്ങള് ചോര്ത്തിയെടുക്കുന്നു.
ആരാണ് ഈ കൂബ്ഫേസ്? ഒരു വിരയായി ഫേസ്ബുക്കിനെ ബാധിക്കാന് ഇറങ്ങിത്തിരിച്ച തലതിരിഞ്ഞ (face+book -> book + face –> koob + face) സുന്ദരിയാണ് ഈ കൂബ്ഫേസ്. ഇവള് നിങ്ങളുടെ ട്വിറ്ററിലോ ഫേസ്ബുക്കിലോ ഹായ്5-യിലോ മൈസ്പയ്സിലോ മറ്റോ മദാലസയായി ചുറ്റി ത്തിരിഞ്ഞു കണ്ണിറുക്കി കാട്ടിയാലും അങ്ങോട്ട് തിരിഞ്ഞു നോക്കുകയോ അവളെ പിച്ചുകയോ നുള്ളുകയോ മാന്തുകയോ ഉമ്മ വെയ്ക്കുകയോ ഒന്നും ചെയ്യാതിരിക്കുക – അതായത് സ്വയം നിയന്ത്രണം പാലിക്കുക – എന്നതത്രേ അവളുടെ ബാധപിടികൂടാതിരിക്കാനുള്ള ഒരു വഴി.
തുടര്ന്നു വായിക്കുക ‘ കൂബ്ഫേസ് – ഹോം വീഡിയോ കാട്ടി ചതിക്കുന്ന ട്വിറ്റെര് സുന്ദരി ’
അടഞ്ഞുപോയ ഫയര്ഫോക്സ്, ഗൂഗിള്ക്രോം ടാബുകളും വിന്ഡോകളും വീണ്ടും തുറക്കാന്
ചില സമയങ്ങളില് നാം അറിയാതെ തന്നെ ബ്രൌസറിന്റെ ക്ലോസ് ബട്ടന് ഞെക്കുകയോ, അല്ലെങ്കില് CTRL+W എന്ന കീബോര്ഡ് കുറുക്കുവഴി അബദ്ധത്തില് ഞെക്കുകയോ ചെയ്യാറുണ്ട്. അത്തരം അവസരങ്ങളില് ആ പേജ് തിരികെ കിട്ടാന് എന്താ ഒരു എളുപ്പവഴി?
ഫയര്ഫോക്സ് ബ്രൌസറിലും ഗൂഗിള് ക്രോം ബ്രൌസറിലും CTRL+SHIFT+T എന്ന് അമര്ത്തിയാല് ഇതിനു മുന്പ് ആ വിന്ഡോയില് അടച്ച ഓരോ ടാബുകളായി തുറന്നുവരും. (പുതിയ ഒരു ടാബ് തുറക്കാനുള്ള കുറുക്കു വഴി CTRL+T ആണ് എന്നത് ഓര്ക്കുമല്ലോ.)
അതുപോലെ, തൊട്ടു മുന്പ് അടഞ്ഞുപോയ ഒരു വിന്ഡോ തിരികെ എടുക്കണമെങ്കില് CTRL+SHIFT+N എന്ന് അമര്ത്തിയാല് മതി. പുതിയ ഒരു വിന്ഡോ തുറക്കാന് CTRL+N ആണല്ലോ.
ഇതുമായി ബന്ധപ്പെട്ട കൂടുതല് വിവരങ്ങള് TECK.IN-ല് ആംഗലേയത്തില് വായിക്കാവുന്നതാണ്.
ബ്ലോഗ്ഗര് പോസ്റ്റുകളുടെ ടൈറ്റില് സേര്ച്ച് എഞ്ചിനുവേണ്ടി നന്നാക്കൂ
സാധാരണ ബ്ലോഗ്ഗര്.കോം(blogger.com) ബ്ലോഗ്ഗുകളിലെ ഡിഫാള്ട്ട് ടെമ്പ്ലേറ്റുകളില് (default template) ഓരോ പോസ്റ്റിന്റെയും ടൈറ്റില് (title) കാണിക്കുമ്പോള് ആദ്യം ബ്ലോഗ്ഗിന്റെ പേരും എന്നിട്ട് ആ പോസ്റ്റിന്റെ പേരും ആണ് കാണിക്കുന്നത്.
ഗൂഗിള് (google) മുതലായ സേര്ച്ച് എന്ജിനുകള് (search engines) ഈ ടൈറ്റില് ടാഗിന് വളരെ പ്രാധാന്യം കൊടുക്കുന്നു. ഈ ടൈറ്റില് ആണ് സേര്ച്ച് എന്ജിനുകള് ലിങ്കായി കൊടുക്കുന്നത്. നല്ല ഒരു ടൈറ്റില് ഉള്ള ലേഖനം എളുപ്പത്തില് സേര്ച്ച് ചെയ്തു കണ്ടുപിടിക്കാന് കഴിയും. അതിനാല് ബ്ലോഗ്ഗിന്റെ പേര് ഓരോ പോസ്റ്റിന്റെയും ടൈറ്റിലില് ആദ്യം തന്നെ ചേര്ത്ത് ആവര്ത്തിക്കാതെ, ആവശ്യമെങ്കില് മാത്രം പോസ്റ്റിന്റെ ടൈറ്റിലിന് ശേഷം ചേര്ത്താല്, പോസ്റ്റിന്റെ ടൈറ്റിലിന് ആവശ്യമായ പ്രാധാന്യം കിട്ടും.
ഉദാഹരണത്തിന്, ഈ ലേഖനത്തിന്റെ ടൈറ്റില് “സാങ്കേതികം : ബ്ലോഗ്ഗര് പോസ്റ്റുകളുടെ ടൈറ്റില് സേര്ച്ച് എഞ്ചിനുവേണ്ടി നന്നാക്കൂ” എന്നതിന് പകരം “ബ്ലോഗ്ഗര് പോസ്റ്റുകളുടെ ടൈറ്റില് സേര്ച്ച് എഞ്ചിനുവേണ്ടി നന്നാക്കൂ : സാങ്കേതികം” എന്നത് നന്നായിരിക്കും. ബ്ലോഗ്ഗിന്റെ പേര് കൂടുതല് നീളമുള്ളതാണേങ്കില് പ്രത്യേകിച്ചും.
ഇങ്ങനെ ഒരു മാറ്റം നിങ്ങളുടെ ബ്ലോഗ്ഗില് വരുത്തുവാന്, ബ്ലോഗ്ഗര് ഡാഷ്ബോര്ഡില് Layout-ഇല് Edit HTML എന്ന സെക്ഷനില് പോകുക. എന്നിട്ട് ടെമ്പ്ലേറ്റ് കോഡില് <head> ടാഗ്ഗിനു ശേഷം താഴെ കാണുന്ന ഭാഗം കണ്ടുപിടിക്കുക.
<title><data:blog.pagetitle/></title>
അതിനു പകരം താഴെ കൊടുത്തിരിക്കുന്നത് കോപ്പി ചെയ്യുക.
<b:if cond=’data:blog.pageType == "index"’>
<title><data:blog.title/></title>
<b:else/>
<title><data:blog.pageName/> : <data:blog.title/></title>
</b:if>
എന്നിട്ട് സേവ് (save) ചെയ്യുക. ഇനി നിങ്ങളുടെ ഏതെങ്കിലും ഒരു പോസ്റ്റ് എടുത്ത് നോക്കുക, ബ്രൌസറിലെ ടൈറ്റില് മാറിയിട്ടുണ്ടോ എന്ന്. അത്രയേയുള്ളൂ.
